Category: પુરુષોત્તમ રૂપાલાનું આગવી શૈલીમાં સંબોધન:ડીસામાં ભાજપ ઉમેદવારના સમર્થનમાં જાહેર સભા; અંતમાં ‘જય ભવાની, કોંગ્રેસ જવાની’ના નારા લાગ્યા1

પુરુષોત્તમ રૂપાલાનું આગવી શૈલીમાં સંબોધન:ડીસામાં ભાજપ ઉમેદવારના સમર્થનમાં જાહેર સભા; અંતમાં ‘જય ભવાની, કોંગ્રેસ જવાની’ના નારા લાગ્યા

સમર્થકો મોટી સંખ્યામાં લોકો ઉપસ્થિત
ડીસા તાલુકાના ઝેરડા ગામે આજે ભાજપના ઉમેદવાર પ્રવીણ માળીના સમર્થનમાં કેન્દ્રીય મંત્રી પુરુષોત્તમ રૂપાલાની જાહેર સભાનું આયોજન કરાયું હતુ. આ સભામાં પૂર્વ જિલ્લા પંચાયત પ્રમુખ બહાદુરસિંહ વાઘેલા, ડીસા તાલુકા પંચાયત પ્રમુખ ગલાબજી ઠાકોર, કોલ્ડ સ્ટોરેજ એસોસિએશનના પ્રમુખ ફુલચંદ કચ્છવા, નિર્મલપુરી માતાજી, ડો.રીટાબેન પટેલ સહિત ભાજપના આગેવાનો અને સમર્થકો મોટી સંખ્યામાં ઉપસ્થિત રહ્યા હતા.

જીતી જાય તો પણ અપક્ષ ક્યાં જવાની: પુરુષોત્તમ રૂપાલા
સભાને સંબોધતા કેન્દ્રીય મંત્રી પુરુષોત્તમ રૂપાલાએ જણાવ્યું હતું કે, ગુજરાતમાં તેઓ પ્રથમ તબક્કાના મત વિસ્તારમાં તમામ જગ્યાએ સભાઓ કરીને આવ્યા છે. પરંતુ હજુ સુધી ભાજપના વિકાસ રથને રોકી શકે તેવું કોઈ ચિન્હ મળ્યું નથી. જે રીતે બાવળિયાને જેસીબીથી ઉખાડીને ફેકીએ છીએ તે રીતે આ વખતે કોંગ્રેસને ઉખાડીને ફેંકી દેવા માટે લોકોને આહવાન કર્યું હતું. ભાજપમાંથી બળવો કરી અપક્ષ ચૂંટણી લડી રહેલા લેબજી માટે પણ જણાવ્યું હતું કે, લેબજીએ એવું ન કરવું જોઈએ. જીતી જાય તો પણ અપક્ષે ક્યાં જવાનું, સરકાર ભાજપની જ બનવાની છે. દિલ્હી બાજુ સડકો જ બંધ છે, તમારે વાયા મીડિયા કામ માટે અમારી પાસે આવવું એના કરતાં સીધા રસ્તે પ્રવિણને સાથ આપી તેની સાથે આવવું જોઈએ તેમ જણાવ્યું હતું. છેલ્લે ‘જય ભવાની, કોંગ્રેસ જવાની’ના નારા લગાવી સભાની પૂર્ણ કરી હતી.

Social