Category: રામ મંદિર પ્રતિષ્ઠા મહોત્સવને લઈને સાણંદના ગામે ગામ અનોખો ઉત્સાહ1

રામ મંદિર પ્રતિષ્ઠા મહોત્સવને લઈને સાણંદના ગામે ગામ અનોખો ઉત્સાહ

અયોધ્યામાં શ્રીરામ મંદિર પ્રાણ પ્રતિષ્ઠા મહોત્સવને હવે ગણતરીના કલાકો બાકી રહ્યા છે, ત્યારે સાણંદના ગામે ગામ રામોત્સવને લઈને અનોખો ઉત્સાહ જોવા મળ્યો છે. સાણંદમાં રેલી અને મહા આરતી સહીત શોભા યાત્રાનું આયોજન વિવિધ મંડળો દ્વારા કરાયું છે. શહેરના સિદ્ધનાથ મંદિરે દીપમાળા સાથે મહા આરતી, શહેરના બાવળીયાના ઝાંપે રામજી મંદિરે રામધૂન, ભજન અને મહા આરતી યોજાશે. શહેરના ખોડિયાર માતાજીના મંદિરે સવારે રંગોળી સ્પર્ધા, બાઇક રેલી,મહા આરતી અને સાંજે ગરબાનું આયોજન કરાયું છે. શહેરના બ્રહ્મપોળ ખાતે કપિશ્વર હનુમાન મંદિરે વેશભૂષા સાથે રાત્રે ભજન તેમજ શહેરના જલારામ મંદિરે રામધૂન,ભજન અને સાણંદ બાયપાસ ઉમિયા મંદિરે મહા આરતી તેમજ શંકરવાડી હનુમાનજી મંદિરે મહા આરતી, શહેરની ગોહેલશેરી ખાતે પ્રભાત ફેરી રામ પુજા મહા આરતી, શોભા યાત્રા, ભોજન પ્રસાદ, ભજન કીર્તનનું સુંદર આયોજન કરાયું છે.

તાલુકાના સનાથલ ગામે શોભાયાત્રા, ધ્વજારોહણ, યજ્ઞ, મહાપ્રસાદનું વિતરણ સુંદરકાંડનું આયોજન જ્યારે રતનપુરા ગામે પ્રભાત ફેરી, રામધૂન, શોભા યાત્રા, મહા આરતી, સંતવાણી ડાયરોનું આયોજન,વાસણા ગામે શોભા યાત્રા,યજ્ઞ, સુંદરકાં, મહા આરતી, દીપમાળાનું આયોજન, રેથલ ગામે રામજી મંદિરે શોભા યાત્રા, યજ્ઞ, આરતીનું આયોજન, તેલાવ, મોડસર ગામે શોભા યાત્રા, યજ્ઞ,મહા આરતી સાથે દીપમાળાનું આયોજન,ઇયાવા ગામે મહા આરતી, રામધૂન સહિતનું આયોજન, માણકોલ ગામે મહાઆરતી, લેખબા ગામે શોભાયાત્રા, મહા આરતી, ભજન કીર્તનનું આયોજન, ગોધાવી,શેલા,ચેખલા સહિતના તાલુકાનાં ગામે ગામે મંદિરોમાં મહા આરતી, ભજન કીર્તન સહિતના કાર્યક્રમોનું આયોજન ગામજનો દ્વારા કરાયું છે. જેને લઈને તૈયારીઓને આખરી ઓપ આપવામાં આવ્યો છે.

Social