Category: સંખેડામાં વિદ્યાર્થિનીઓ ખાનગી વાહનમાં બેઠી અને નરાધમોએ છેડતી કરતા જીવ જોખમમાં મૂકી ચાલુ વાહનમાંથી છલાંગ લગાવી1

સંખેડામાં વિદ્યાર્થિનીઓ ખાનગી વાહનમાં બેઠી અને નરાધમોએ છેડતી કરતા જીવ જોખમમાં મૂકી ચાલુ વાહનમાંથી છલાંગ લગાવી

સંખેડા તાલુકાની વિદ્યાર્થિનીઓ શાળાએથી ઘરે પરત જતી વખતે સરકારી ટ્રાન્સપોર્ટની સુવિધા ન હોવાના કારણે ખાનગી પિકઅપ ગાડીમાં બેસી અને ઘરે જવા નીકળી. ત્યાં રસ્તામાં પિકઅપ ગાડીમાં સવાર લોકોએ બાળકીઓની છેડતી શરૂ કરી. આ ઘટનાને પગલે બાળાઓ ગભરાઈ જતાં પિકઅપ ગાડીમાંથી કૂદી જઈને પોતાનો જીવ બચાવ્યો હતો. જેના પગલે ચાલકે બેલેન્સ ગુમાવતા ગાડી પલટી મારી ગઈ હતી.

છોટાઉદેપુર જિલ્લાના સંખેડા તાલુકામાંથી સામે આવી છે. સંખેડા તાલુકાના એક ગામની વિદ્યાર્થિનીઓ પાંચેક કિલોમીટર દૂર આવેલી હાઈસ્કૂલમાં અભ્યાસ અર્થે દરરોજ જાય છે. ગઈકાલે સાંજે છ વિદ્યાર્થિનીઓ શાળાએથી છૂટી ચાલતા ઘરે જતી હતી. ત્યારે રસ્તામાં એક પિકઅપ ગાડી મળતા બાળકીઓ આ ગાડીમાં બેસી અને ઘરે જવા નીકળી હતી. અગાઉથી જ આ ગાડીમાં પાંચ લોકો સવાર હતા. જેઓ નશામાં ચકચૂર હોવાનું સ્થાનિક લોકો જણાવી રહ્યા છે.બાળકીઓ જેવી ગાડીમાં બેસીને થોડે દૂર પહોંચતાં જ પહેલાંથી અંદર સવાર પાંચ લોકોએ ચાલુ ગાડીએ બાળકીઓને છેડતી કરવાની શરૂઆત કરી હતી. જેને લઇને બાળકીઓ ગભરાઈ ગઈ હતી અને આજીજી કરી અને ગાડી ઊભી રાખવાની રજૂઆત કરી હતી. તેમ છતાં નરાધમોએ બાળકીઓના હાથ પકડી ખેંચવાની શરૂઆત કરતા બાળકીઓ ચાલુ ગાડીએ કૂદી ગઈ હતી. જેમાં બાળકીઓને ઈજા થતાં નસવાડી હોસ્પિટલ ખાતે ખસેડવામાં આવી હતી. બે બાળકીઓને વધુ ઈજા પહોંચતા બોડેલી રિફર કરાવામાં આવી ઘટના બનતા છોટાઉદેપુર જિલ્લા પોલીસ એક્શનમાં આવી તાત્કાલિક નસવાડી હોસ્પિટલ ખાતે પહોંચી હતી. બાળકો પાસેથી વિગત મેળવી અને ફરિયાદ દાખલ કરી હતી. બાળકીઓની ફરિયાદના આધારે પિકઅપ ગાડીના ચાલક અશ્વિન ભીલની ધરપકડ કરી કાર્યવાહી હાથ ધરવામાં આવી છે. જ્યારે ચાર આરોપીઓ ફરાર થઈ ગયા છે.

Social