Category: સાણંદ શહેરમાં સમડી અને ચરલમાં વિદેશી પક્ષીને દોરીથી ઇજા થતાં રેસક્યું કરાયું1

સાણંદ શહેરમાં સમડી અને ચરલમાં વિદેશી પક્ષીને દોરીથી ઇજા થતાં રેસક્યું કરાયું

ઉત્તરાયણ પર્વ બાદ પણ અનેક થાંભલા,વૃક્ષોમાં,વાયર પર રહેલી દોરીને કારણે નિર્દોષ પક્ષીને ઇજાઓ થઈ રહી છે. સાણંદ શહેરના નળ સરોવર રોડ પર જેડીજી સ્કૂલના ગ્રાઉન્ડમાં દોરીમાં ફસાયેલ સમડી અને ચરલ ગામે દોરીથી ઇજા પામેલ વિદેશી પક્ષી પેન્ટ સ્ટોક બર્ડ્સને પક્ષી બચવા સારવાર માટે ખસેડયું હતું.
પ્રાપ્ત માહિતી અનુસાર સાણંદના નળ સરોવર રોડ પર જેડીજી શાળાના મેદાનમાં ઝાડની વચ્ચે દોરીમાં એક સમડી ફસાઈ હતી જેની જાણ સ્થાનિક દુકાનદારોને થતાં સાણંદ સાધન ફાઉન્ડેશનના ગૌરવભાઈ ઠક્કરને જાણ કરતાં તેઓની ટિમના અભિ ઠક્કર અને હર્ષ દોબી તાત્કાલિક દોડી આવી સ્થાનિક લોકોની મદદથી સમડીને ભારે જાહેતથી રેસક્યું કરી હતી. દોરીથી સમડીને ઇજાઓ થતાં તાત્કાલિક સારવાર કરાઇ હતી.
બીજી તરફ સાણંદ તાલુકાનાં ચરલ વિસ્તારમાં દોરીથી ઘાયલ વિદેશી પક્ષી નો જીવ બચાવ્યો હતો જેમાં ચરલમાં એક પક્ષી ઘાલ થતાં જયેન્દ્રભાઈ નામના યુવકે એનિમલ લાઇફ કેરના વિજય ડાભીને જાણ કરતાં રેસ્ક્યુ ઓપરેશન હાથ ધરાયું હતું આ અંગે વિજય ડાભી જણાવ્યું કે પેન્ટ સ્ટોક બર્ડ્સ છે તેની ડાબી પાખ દોરી ના કારણે ખૂબ જ ગંભીર રીતે ઘાયલ થઈ હતી જેને પ્રાથમિક સારવાર આપી અને વધુ સારવાર તે ફોરેસ્ટ ડિપાર્ટમેન્ટમાં દાખલ કરવામાં આવ્યું છે. વળી મેલાસણ વિસ્તારમાંથી પણ બે દિવસ અગાઉ દોરીથી ઘાયલ થયેલ નકટા (કોમ ડક) પક્ષીનું રેસ્ક્યુ ઓપરેશન હાથ ધરી બચાવી લેવામાં આવ્યું હતું. ઉત્તરાયણના પર્વ બાદ હજી પણ અનેક ઝાડ,થાંભલા સહિત વાયરો પર દોરી લટકતી હોય તેનો યોગ્ય નિકાલ કરવા પક્ષી બચાવવા માટે કામગીરી કરતી સ્થાનીઓ દ્વારા અપીલ કરાઇ છે.

Social