સાણંદના ચાંગોદરની ખાનગી કંપનીના માલિકનો ભાગીદારીના ત્રાસથી દવા પી આપઘાત

January 21st, 2024

સાણંદના ચાંગોદર વિસ્તારમાં પ્રિન્ટ્રપેક પ્રિન્ટીગ પ્રેસની કંપનીના માલિકે સાણંદના વસોદરા ખાતે નાખેલ નવા પ્લાન્ટમાં બાવળાના યુવકને ભાગીદાર બનાવ્યો હતો. પણ કંપનીમાં નુકસાન થતાં કંપની બંધ કરી હતી અને ભાગીદાર અને તેના ભાઈએ કંપનીના માલિક પાસે રૂ.1.50 કરોડ પરત મેળવવા ધમકીઓ આપતા ત્રાસથી કંપનીના માલિકે ઝેરી દવા પી આપઘાત કરતાં સમગ્ર ઘટનાને લઈને ચાંગોદર પોલીસે બાવળાના 2 ઇસમો સામે ગુનો નોંધી કાર્યવાહી હાથ ધરી છે.

સૂત્રોના જણાવ્યા અનુસાર અમદાવાદના ધાટલોડીયામાં રહેતા 46 વર્ષીય રાજેશકુમાર પોપટલાલ પટેલની ચાંગોદર તાજપુર ગામના રોડ ઉપર પ્લોટ નંબર ૪૭૨ ખાતે થીયો પિન્ટ્રપેક પ્રિન્ટીંગ પ્રેસની ફેક્ટરીની ફેક્ટરી આવે છે. વર્ષ 2021માં તેઓએ સાણંદના વસોદરા ખાતે પ્રિન્ટ બોક્ષની ફેક્ટરી ચાલુ કરી હતી. જેમાં રાજેશભાઈ,રોહિતભાઈ તથા બિપિનભાઈ એમ ત્રણેય 33 હિસ્સામાં ભાગીદારી કરી અને બાધકામ માએ એસ.બી.આઈ બેન્કમાંથી આશરે 16 કરોડની લોન લીધી અહતી તેમ છતાં વધુ 1.50 કરોડ રૂપિયાની જરિયાત ઊભી થઈ હતી. જેથી રાજેશભાઈ પોપટભાઈ પટેલના ભાણેજ જમાઈ વિજયભાઈ ભરતભાઈ પટેલ (રહે. બાવળા)એ આ કંપનીમા ભાગ કરવા રાજેશભાઈએ તેઓના ભાગના 33 ટકાના હિસ્સામાં 50 ટકાના ભાગીદાર મૌખીક વિજયભાઇને રાખેલ અને તે વખતે રૂ.1.50 કરોડ વિજયભાઈએ કંપનીમા રોકાણ માટે આપેલા હતા અને કંપની ચાલુ કરેલ હતી અને આશરે છ મહિના બાદ કંપનીમાં ખોટ જતાં કંપનીના પાર્ટનરોએ કંપની બંધ કરવાનો નિર્ણય લીધો હતો. રાજેશભાઈ પટેલ સાથે મૌખીક કરારથી ભાગીદાર બનેલા વિજયભાઈએ રોકાણ કરેલ રૂ.1.50 કરોડ પરત લેવા માટે ઉઘરાણી શરૂ કરી હતી, જેમાં રાજેશભાઈએ ટુકડે ટુકડે રૂ.78 લાખ રોકડા પરત આપ્યા હતા અને તેઓનું ધાટલોડીયા ખાતેનું મકાન વેચી રૂ.57 લાખ પરત આપ્યા હોવા છતાં વિજયભાઇ તથા તેમના ભાઇ હિતેષભાઇ દ્વારા ચાંગોદર ફેક્ટરીએ જઈને જાનથી મારી નાખવાની ધમકી આપી પુરેપુરા રૂ.1.50 કરોડ વ્યાજ સહીત પરત આપો તેવી માગણી કરતા તા. 20 ડિસેમ્બરે રાજેશભાઈએ કંટાળી ફેક્ટરીમાં જ દવા પી લઈ પરિવારને જાણ કરતાં પરીવારજનો ચાંગોદર કંપનીએ દોડી જઈ રાજેશભાઈને સારવાર માટે ચાંગોદરની ખાનગી હોસ્પિટલમાં ખસેડયા હતા. વધુ સારવાર માટે અમદાવાદની ખાનગી હોસ્પિટલમાં ખસેડયા હતા. જ્યાં તબિયત સુધારા પર આવતા ચાંગોદર પોલીસ હોસ્પિટલ ખાતે પહોચી હતી અને રાજેશભાઈએ એક્ઝિક્યુટિવ મેજિસ્ટ્રેટ સમક્ષ નિવેદન નોધાવ્યું હતું. . ત્યારબાદ તા.16 જાન્યુયારીએ રાજેશભાઈની ફરી તબીયત બગડતા સોલા ખાતે હોસ્પિટલ ખસેડયા હતા જ્યાં રાજેશભાઈનું મોત થયું હતું. સમગ્ર મામલે મૃતક રાજેશભાઈ પોપટભાઈ પટેલના પત્ની જાનકીબેનએ ચાંગોદર પોલીસમાં ફરિયાદ કરતાં પોલીસે બાવળાના વિજયભાઈ ભરતભાઈ પટેલ અને હિતેષભાઈ ભરતભાઈ પટેલ વિરુદ્ધ ગુનો નોંધી વધુ કાર્યવાહી હાથ ધરી છે.

પત્નીને હોસ્પિટલમાં વાત કરી

રાજેશભાઈએ તેઓની પત્નીને વાત કરેલ કે વિજયભાઈ ભરતભાઈ પટેલ તથા હિતેષભાઈ ભરતભાઈ પટેલએ બાવળા તેમના ઘરે બોલાવી ગાડીની ચાવી, મોબાઇલ લઇ કહેલ કે તુ રૂપિયા મને નહી આપ તો તારા બન્ને ભાઇઓ ના છોકરાઓને તથા તારી દિકરીને ઉપાડી લઈ જઈશુ તેવી ધમકી આપતા તમારા રૂપિયા ગમે તેમ કરી પરત આપી દઈશ તેમ કહી આવતો રહેલ હોવાની જણાવ્યુ હતું, જેથી પોલીસ ફરિયાદ નોંધાઈ છે.

ચરલ ગામે થી ઇજા ગ્રસ્ત પક્ષીને રેસ્ક્યુ કરાયું

January 18th, 2024

એનિમલ લાઈફ ટીમ દોરીથી ઘાયલ વિદેશી પક્ષી નો જીવ બચાવ્યો સાણંદ સરોવર ચરલ વિસ્તારમાંથી જયેન્દ્ર ભાઈ નો ફોન આવતા એનિમલ લાઇફ કેર ના વિજય ડાભી દ્વારા રેસ્ક્યુ ઓપરેશન કરવામાં આવ્યું હતું વિજય ડાભી જણાવ્યું કે પેન્ટ સ્ટોક બર્ડ્સ છે તેની ડાબી પાખ દોરી ના કારણે ખૂબ જ ગંભીર રીતે ઘાયલ થઈ હતી જેને પ્રાથમિક સારવાર આપી અને વધુ સારવાર તે ફોરેસ્ટ ડિપાર્ટમેન્ટમાં દાખલ કરવામાં આવ્યું હતું

સાણંદના ગોરજ ગામે વહેલી સવારે ઘરમાં ગેસ લીકેજ થતાં ધડાકાભેર દીવાલો ફાડી : 2ને ઇજા

January 18th, 2024

સાણંદના નળ સરોવર રોડ પરના ગોરજ ગામે જુવાલિયા વાસમાં જંયતીભાઈ બુધાભાઈ કો.પટેલ પરિવાર સાથે રહે છે અને ખેતીકામ કરે છે. તેઓના બે માળના મકાનમાં તેઓના પરિવારના 8 સભ્યો સૂતા હતા, ત્યારે ઘરના રસોડામાં ગેસ લીકેજ થતાં ભૂકપ જેવી તીવ્રતા સાથે ધડાકાભેર એકાએક રૂમમાં આગ લાગી હતી, રૂમમાં રહેલ રાધણ ગેસની બોટલ ઉપરનું રેગ્યુલેટર સળગતું હતું, ઘટના બનતા આસપાસમાંથી લોકો દોડી આવ્યા હતા અને પરિવારના સભ્યો અને પડોસીઓએ ભારે જહેમતથી પાણીનો મારો ચલાવી આગ પર કાબૂ મેળવ્યો હતો.
બનાવમાં પતિ પત્નીને ગંભીર ઇજાઓ થતાં સારવાર માટે સાણંદની ખાનગી હોસ્પિટલમાં ખસેડયા હતા જ્યારે પાડોસીના 3 મકાનના બારી બારણાં તૂટી ગયા હતા.

સાણંદ અને ચાંગોદર પોલીસે વેપારીઓ અને લોકોને ચાઇના દોરી ન વાપરવા અપીલ

January 11th, 2024

ઉત્તરાયણ પર્વને ગણતરીના દિવસો બાકી રહ્યા છે અને પતંગ રસિયાઓ આકાશમાં પતંગ ચગાવવા માટે થનગની રહ્યા છે. ઉત્તરાયણ પર્વમાં ચાઈના દોરીથી પશુ-પક્ષીઓ, રાહદારીઓ અને ટુ વ્હીકલ ચાલકો માટે આકસ્મિક ઘટના બનતી હોય છે જેમાં નિર્દોષ લોકોને ઇજા કે મોત થાય છે. ત્યારે સરકાર દ્વારા ઉત્તરાયણ પર્વમાં ચાઈના દોરીના વેચાણ પર પ્રતિબંધ મુકવામાં આવ્યો હોવા છતાં સાણંદ તાલુકામાં કેટલાક વ્યાપારીઓ દ્વારા સરકારના નિયમોનું ઐસી તૈસી કરી ચાઇના દોરીનું વેચાણ કરતાં અગાઉ અનેક વખત પકડાયા છે ત્યારે સાણંદ અને ચાંગોદરમાં વિસ્તારમાં ચાઈના દોરી અને તુક્કલનું વેચાણ અને ઉપયોગ ન કરવા વેપારીઓને ચેતવ્યા હતા.

બીજી સાણંદ અને ચાંગોદર પોલીસે પતંગ દોરીના વેપાર કરતા નાના-મોટા વેપારીઓને મકરસંક્રાંતી (ઉત્તરાયણ)ના તહેવાર લઈને જાહેરનામાની ગાઈડલાઇન મુજબ ચાઈનીઝ દોરી તથા ચાઇનીઝ તુક્કલના વેચાણ ઉપર પ્રતિબંધ છે જેથી કોઈપણ વ્યક્તિએ ચાઈનીઝ દોરી તથા ચાઈનીઝ તુક્કલનો ઉપયોગ કરવો નહી તથા પતંગ દોરીનું વેચાણ કરતા વેપારીઓએ પણ ચાઈનીઝ દોરી તથા તુક્કલનો સંગ્રહ અને વેચાણ ન કરવા જણાવ્યુ હતું તેમજ નિયમનું ઉલ્લઘન કરનાર વિરુધ્ધમાં કાયદેસરની કાર્યવાહી કરાશે તેમજ કોઈ પણ વેપારી ચાઈનીઝ દોરી તથા ચાઈનીઝ તુક્કલનુ ગેરકાયદેસર વેચાણ કરતા હોય તો પોલીસ સ્ટેશને જાણ કરવા લોકોને અપીલ કરી હતી. સાથે પોલીસે બજાર વિસ્તારમાં ચેકિંગ હાથ ધર્યું હતું જો કે ચેકિંગ દરમ્યાન વેપારીઓ પાસેથી ચાઈના દોરી કે ચાઈનીઝ તુક્કલ મળી ન હતી.

નોંધપાત્ર છે કે ગત વર્ષે નિધરાડ પાસે એક બાઇક ચાલકને ચાઈના દોરીથી ગળાના ભાગે ઇજાઓ થઈ હતી, જ્યારે ત્રણ વર્ષ અગાઉ સાણંદના બોળ ગામ નજીક ચાઈના દોરીની ઇજાથી બાઇક ચાલકનું ગળું કપાઈ જતાં મોત થયું હતું.

સાણંદના છારોડીમાં ઝીણી કાળી કપચી લોકોના ઘરો સુધી પહોંચતાં આરોગ્યનું જોખમ

January 10th, 2024

સાણંદ તાલુકાના છારોડી ગામના ઇન્દિરા નગર વિસ્તારની પાછળના ભાગે ખાનગી કંપની દ્વારા જોખમી ઉત્પાદનની કામગીરીને સ્થાનિક રહિશોની જાન-માલ, મિલકત અને આરોગ્ય જોખમમાં મુકતા આ કંપનીની પ્રવૃત્તિ અટકાવવા મંગળવારે સ્થાનિકોએ સાણંદ પ્રાંત કચેરી તેમજ પ્રદુષણ નિયંત્રણ બોર્ડમાં લેખિત આવેદનપત્ર આપ્યું હતું. રહિશોએ આપેલા આવેદન મુજબ આ કંપની દ્વારા કરવામાં આવતી કામગીરીને લઈને તેની ભઠ્ઠી / બોઈલરમાંથી ઝીણી ઝીણી કાળી કપચી ઉડીને તેઓના ઘર ઉપર પથરાઈ જાય છે. જેને લઈને સ્થાનિકોના ઘરની બહાર અને ઘરની અંદર ખુબ તકલીફ પડી રહી છે.
આ ઝીણી ઝીણી કાળી કપચી પીવાના પાણીમાં, ખોરાકમાં ભળી જતી હોઈ જીવનું જોખમ ઉભું થયું છે. તેમજ આ ઝીણી ઝીણી કાળી કપચી આ વિસ્તારમાં રહેતા મોટી ઉંમરના રહિશો, બાળકોના શ્વાસમાં જતી હોઈ અમારા આરોગ્યને હાની પહોચી રહી છે. આ કેમિકલ યુક્ત ઝીણી ઝીણી કાળી કપચી પાણીમાં ભળવાથી ખોરાકમાં ભળવાથી અને શ્વાસથી શરીરમાં જતી હોઈ આ વિસ્તારના લોકો ખુબ ગંભીર બીમારીનો ભોગ બની શકીએ તેવી પરિસ્થિતિનું નિર્માણ પાછલા છએક મહિનાથી થયું છે. આ બાબતે સ્થાનિક રહિશો દ્વારા આ ખાનગી કંપનીના મેનેજર તેમજ ગ્રામ પંચાયતના સરપંચ અને તલાટીને અનેક રજુઆતો કરી હોવા છતાં જન આરોગ્યની સુખાકારીની ફરિયાદનો હકારાત્મક નિકાલ કરવા માટે કોઈજ કાર્યવાહી કરવામાં આવતી નથી. આથી પ્રદુષણ ફેલાવતી કંપની વિરૂદ્ધ પ્રાંત અધિકારીને આવેદનપત્ર આપવામાં આવ્યું હતું.

સાણંદના નળ સરોવર રોડ પર રણમલગઢ પાસે કાર રોડ પરથી પલટી મારી

January 9th, 2024

સૂત્રોના જણાવ્યા અનુસાર સોમવારે સાંજના સમયે સાણંદના નળ સરોવર રોડ પર આવેલ રણમલગઢ થી ગોરજ વચ્ચેના રોડ પર એક કાર ચાલકે એકાએક સ્ટેરિંગ પરથી કાબૂ ગુમાવી દેતા કાર પલટી મારતા રોડની બાજુમાં ખાડામાં ધડાકાભેર પડી હતી. કારમાં સવાર 2 લોકોને શરીરે ઇજાઓ પહોચી હતી. અકસ્માત થતાં આસપાસથી વાહન ચાલકો દોડી આવ્યા હતા અને 2ને ઇજાગ્રસ્તને 108 એમ્બ્યુલસ મારફતે પ્રથમ સાણંદની ખાનગી હોસ્પિટલમાં ત્યારબાદ વધુ સારવાર માટે અમદાવાદની અસારવા સિવિલ ખસેડયા હતા. ઘટનાને લઈને સાણંદ પોલીસે તપાસ હાથ ધરી છે.

માધવનગર હોમગાર્ડ ટ્રેનિંગ સેન્ટરમાં કર્મીએ ગળે ફાંસો ખાધો

January 8th, 2024

સૂત્રોના જણાવ્યા અનુસાર મૂળ સુઈ ગામ બનાસકાંઠા હાલ રહે માધવનગર હોમગાર્ડ ટ્રેનિંગ સેન્ટર ખાતે રહેતા અને નોકરી કરતાં 54 વર્ષીય વશરામભાઇ ધુળાભાઈ મકવાણાએ અગમ્ય કારણોસર ટ્રેનિંગ સેન્ટર ખાતે ગાર્ડ રૂમ ઉપર આવેલ રૂમમાં દોરડાથી ગળે ફાંસો ખાધેલ હાલતમાં લાશ મળી આવી હતી સમગ્ર મામલે મૃતકના પુત્રએ પોલીસને જાણ કરતાં પોલીસ કાફલો ઘટના સ્થળે દોડી આવ્યો હતો.
બનાવને લઈને હોમગાર્ડના ઉચ્ચ અધિકારી પણ બનાવ સ્થળે પહોચ્યા હતા મૃતક વશરામભાઇ ધુળાભાઈ મકવાણા માધવનગર હોમગાર્ડ ટ્રેનિંગ ખાતે આશરે 2 વર્ષથી નોકરી કરતાં હતા અને છેલ્લા 30 વર્ષથી બોર્ડર વિંગ હોમગાર્ડના કર્મચારી ફરજ બજાવતા હતા. જો કે કર્મીએ જીવન ટુકાવતાં પરિવાર પર આભ ફાટયું હતું. મૃતકની લાશને પીએમ અંતે સાણંદ સિવિલ ખસડી હતી. ઘટનાની જાણ અમદાવાદ ગ્રામ્ય ઇ. પોલીસ અધિક્ષક મેઘા તેવાર થતાં સાણંદ ખાતે પહોચી પરિવાર સાથે અને મૃતકના પુત્રને મળી હિંમત આપી હતી. સૂત્રોએ કહ્યું કે મૃતક વશરામભાઇ ધુળાભાઈ મકવાણાને જીભનું કેન્સલ હતું અને છેલ્લા 2 વર્ષ આસપાસથી તેના ઈલાજ માટે દવાઓ પણ ચાલુ હતી. બીમારીના તણાવને લઈને કર્મીએ જીવન ટુકાવ્યું હોય તેમ હાલ પોલીસ સૂત્રોને લાગુ રહ્યું છે. જો કે સમગ્ર મામલે સાણંદ પોલીસે અકસ્માતે મોતની નોંધ કરી વિવિધ દિશાઓમાં તપાસ હાથ ધરી છે.

સાણંદના કુંડલ ગામેથી ઘાયલ 9 ફૂટ લાંબા અજગરનું રેસ્કયુ

January 8th, 2024

પ્રાપ્ત માહિતી અનુસાર સાણંદના કુંડલ ગામના રસ્તા પર ગંભીર રીતે ઘાયલ અજગર પડ્યો હતો જેની જાણ ગામના જીવદયા પ્રેમી જયેન્દ્રભાઈને થતાં બચાવ અજગરને અમદાવાદ એનિમલ લાઈફ કેરના વિજય ડાભીને જાણ કરતાં વિજયભાઈ સાથે ટીમ તમામ રેસ્ક્યુના સાધનો સાથે સ્થળ પર પહોંચી હતી. ગાડીનું ટાયર અજગર ફરી જવાના કારણે મોઢાના ભાગે ખૂબ જ ગંભીર ઈજાઓ થઈ હતી. તાત્કાલિક વિજય ડાભી દ્વારા સાણંદ પશુ ચિકિત્સકના દવાખાને લઈ જઈ તેને પ્રાથમિક સારવાર આપી અને વધુ સારવાર માટે અમદાવાદ ફોરેસ્ટ હોસ્પિટલમાં દાખલ કરવામાં આવ્યો છે. આ અંગે વિજયભાઈએ કહ્યું કે 9 ફૂટ લાંબો અજગર રસ્તા પરથી પસાર થતો હોય તે સમયે તેના પરથી ગાડી ફરી જવાના કારણે આ ઘટના બની હતી તેવું તેની ઈજા પરથી પ્રાથમિક અનુમાન છે. ગામડામાં અવારનવાર અજગર નીકળવાની ઘટનાઓ બનતી હોય છે, ક્યારે પણ અજગર નીકળે અથવા અન્ય જીવ નીકળે તો તેને મારવું ન જોઈએ તાત્કાલિક એનિમલ હેલ્પલાઇનને ફોરેસ્ટ ડિપાર્ટમેન્ટનો સંપર્ક કરવા અપીલ કરી હતી.
નોંધપાત્ર છે કે, છેલ્લા 6 મહિનામાં તાલુકાનાં મેલાસણા, હઠીપુરા, માણકોલ ચોકડી, માણકોલ ગામે એક ફેક્ટરીમાં, મેલાસણાની કેનાલમાં માછલા પકડવાની જાળમાંથી તેમજ ચેખલાના અમનગર,કુંડલ ગામમાં, માણકોલની બ્લોકની ફેક્ટરીમા મળી કુલ 8 અજગરને રેસક્યું કરાયા છે. જેમાંથી કેટલાક ઘાયલ અવસ્થામાં હતા જેનોને સારવાર માટે ખસેડયા હતા.

બોળ ગામે પાર્ક 2 ટ્રેક્ટરોને અજાણ્યા 2 ઇસમોએ પેટ્રોલ છાંટી સળગાવી ફરાર

January 8th, 2024

સૂત્રોના જણાવ્યા અનુસાર સાણંદ તાલુકાનાં બોળ ગામ રહેતા જીગ્નેશભાઇ શામજીભાઈ પ્રજાપતિ જી.આઇ.ડી.સીમાં કંપનીઓમાં ચોખ્ખા પાણીના સપ્લાયર્સ તરીકે ધંધો કરે છે અને રાત્રીના આશરે દશેક વાગ ત્રણેય ટ્રેક્ટરો તેઓના વરંડામાં પાર્ક કરી અને ડ્રાઇવરો પોત પોતાના ઘરે જતા રહ્યા હતા, સવારે ડ્રાઇવરે ટ્રેક્ટર લઈ કંપનીમાં જવા પહોચ્યો ત્યાર બનાવની જાણ થતાં ઘટના અંગે જીગ્નેશભાઇને જાણ કરી કે વરંડામાં મુકેલ ત્રણેય ટ્રેક્ટરમાંથી બે ટ્રેક્ટર સળગી ગયેલ છે, જેથી જિગ્નેશભાઈ તાત્કાલિક દોડીને વરંડામાં તપાસ કરતાં અલગ અલગ કંપનીના 2 ટ્રેક્ટર સળગી ગયેલ હાલતમાં હતા અને તેની બાજુમાં એક કેરબો મળી આવ્યો હતો.વળી આજુ બાજુ પેટ્રોલની ખુબ જ દુર્ગંધ આવતી હતી જેથી કોઇ અજાણ્યા માણસોએ આશરે રૂ.5.50 લાખના બંન્ને ટ્રેક્ટર પર પેટ્રોલ છાંટી સળગાવી નુકશાન કરી ફરાર થઈ ગયા હતા.
જિગ્નેશભાઈએ ગામ પંચાયતના અને અન્ય સી.સી.ટી.વી ફુટેજ ચેક કરતાં રાત્રીના આશરે બે વાગે બે અજાણ્યા માણસોના મોઢા ઉપર કપડુ બાંધી એક ઇસમના હાથમા એક કેરબો તથા બીજ ઇસમના હાથમા બે કેરબા લઈ બોળ ગામના પાછળના રસ્તાથી બજારમાં આવી ગ્રામ પંચાયત આગળના ચોકમાં થઇ ઘર તરફ જતા હોવાનું સામે આવતા સમગ્ર મામલે જીગ્નેશભાઇ પ્રજાપતિએ જીઆઈડીસી પોલીસમાં ફરિયાદ કરતાં અજાણ્યા ઇસમો સામે પોલીસે ગુનો દાખલ કર્યો છે.

ડરણ ગામે રસ્તા બાબતે કુટુંબીજનો વચ્ચે મારામારી થતા સામ સામે ફરિયાદ નોંધાઈ

January 7th, 2024

સાણંદ તાલુકાનાં ડરણ ગામે રસ્તા બાબતે કુટુંબીક ભાઈ વચ્ચે વચ્ચે મારા મારી થતાં બંને પક્ષોના લોકોને ઇજાઓ થતાં સારવાર માટે બાવળાની ખાનગી હોસ્પિટલમાં ખસેડયા હતા જ્યારે બંને પક્ષોએ ચાંગોદર પોલીસમાં સામ સામે ફરિયાદ નોંધાવી હતી.
સૂત્રોના જણાવ્યા અનુસાર ચાંગોદર પોલીસમાં સાણંદના ડરણ ગામ રહેતા નવઘણભાઇ દેવાભાઇ ખરડીયા (ભરવાડ)એ નોંધાયેલ ફરિયાદ અનુસાર નવઘણભાઇ તેમની ગાયો ભેસો લઈ વાડામાં બાધવા જતા હતા તે વખતે તેઓના કુટુંબીક ભાઈ સેંધાભાઈ જીવાભાઈ ખરડીયા પોતાના હાથમાં ખોળીવાળી લાકડી લઈ આવી નવઘણભાઇને કહેલ કે અહીંથી કેમ નિકળો છો આ રસ્તો અમારો છે તમારે અહીંથી નિકળવાનુ નહી તેમ કહી નવઘણભાઇએ કહેલ આ રસ્તો આપણા બાપ દાદાનો સહીયારો છે તો સેંધાભાઈએ એકદમ ઉશ્કેરાઈ જઈ તેના હાથમાંની લાકડી નવઘણભાઇને માથામાં મારતા લોહી નિકળ્યું હતું સેંધાભાઈ નું ઉપરાણુ લઈ જીવણભાઈ ભગુભાઈ ખરડીયા તેના હાથમાં ખોળીવાળિ લાકડી તથા સોનલબેન સેંધાભાઈના ઓ હાથમાં દાતરડુ લઈ આવી જેમ ફાવે તેમ ગાળો બોલી ત્રણેય જણાયે ગડદા પાટુનો માર મારતા વચ્ચે છોડાવા પડેલ દેવાભાઈ ભગુભાઈ ખરડીયાને પણ માર મારી સોનલબેનએ હાથમાંનુ દાતરડુ દેવાભાઈના જમણા હાથ ઉપર મારી દેતા લોહી નિકળેલ લાકડી મારી ફ્રેક્ચર કરી જાનથી મારી નાખવાની ધમકીઓ આપી હતી સમગ્ર મામલે ઇજાગ્રસ્તને સારવાર માટે બાવળાની ખાનગી હોસ્પિટલમાં ખસેડયા હતા અને નવઘણભાઇ દેવાભાઇ ખરડીયાએ ચાંગોદર પોલીસમાં સેંધાભાઈ જીવાભાઈ ખરડીયા,જીવણભાઈ ભગુભાઈ ખરડીયા, સોનલબેન સેંધાભાઈ વિરુદ્ધ ફરિયાદ નોંધાવી હતી.
સામે પક્ષે સેંધાભાઇ જીવણભાઇ ખરડીયા (ભરવાડ)એ ચાંગોદર પોલીસમાં ફરિયાદ નોંધાવી હતી કે તેઓ તેમના ફળીયામાં બેઠા હતા તે વખતે તેઓના કુટુંબીક ભાઈ નવઘણભાઇ દેવાભાઇ ખરડીયા તેના હાથમાં કોદાળી લઈ આવી સેંધાભાઇને કહેલ કે તુ અમોને આ રસ્તેથી કેમ નિકળવા દેતો નથી તો સેંધાભાઇએ કહેલ કે આ રસ્તો અમારા ભાગમાં આવેલ છે એટલે નવઘણભાઇ એક્દમ ઉશ્કેરાઈ જઈ તેના હાથમાની કોદાળીનો પાછળ નો ભાગ માથાના ભાગે મારી દેતા લોહી નિકળેલ તે વખતે સોનલબેન સેધાભાઈ તથા જીવણભાઈ ભગુભાઈ વચ્ચે પડતા નવઘણભાઇએ તેઓને પણ ગાળો બોલી માર મારવા લાગેલ નવઘણભાઇનુ ઉપરાણુ લઈ દેવાભાઈ ભગુભાઈ ભરવાડ તેના હાથમાં લાકડી લઈ આવેલ તે લાકડી નવઘણભાઇએ લઈ જીવણભાઈ ડાબા હાથે કાડા પાસે મારી ફ્રેકચર કરી તથા સોનલબેનને માથામાં લાકડી મારતા લોહી નિકળ્યું હતું તેમજ પાછળથી શૈલેષભાઈ સુરેશભાઈ ભરવાડ લાકડી લઈ આવી સેંધાભાઇને બરડાના ભાગે મારી જાનથી મારી નાખવાની ધમકીઓ આપી હતી ઇજાગ્રસ્તને સારવાર માટે બાવળાની હોસ્પિટલ લઈ જવાયા હતા બનાવ અંગે સેંધાભાઇ જીવણભાઇ ખરડીયાએ ચાંગોદર પોલીસમાં નવઘણભાઇ દેવાભાઇ ખરડીયા,દેવાભાઈ ભગુભાઈ ભરવાડ અને શૈલેષભાઈ સુરેશભાઈ ભરવાડ વિરુદ્ધ ફરિયાદ નોંધાવી હતી.

સાણંદના ચાંગોદરની ખાનગી કંપનીના માલિકનો ભાગીદારીના ત્રાસથી દવા પી આપઘાત

January 21st, 2024

ચરલ ગામે થી ઇજા ગ્રસ્ત પક્ષીને રેસ્ક્યુ કરાયું

January 18th, 2024

સાણંદના ગોરજ ગામે વહેલી સવારે ઘરમાં ગેસ લીકેજ થતાં ધડાકાભેર દીવાલો ફાડી : 2ને ઇજા

January 18th, 2024

સાણંદ અને ચાંગોદર પોલીસે વેપારીઓ અને લોકોને ચાઇના દોરી ન વાપરવા અપીલ

January 11th, 2024

સાણંદના છારોડીમાં ઝીણી કાળી કપચી લોકોના ઘરો સુધી પહોંચતાં આરોગ્યનું જોખમ

January 10th, 2024

સાણંદના નળ સરોવર રોડ પર રણમલગઢ પાસે કાર રોડ પરથી પલટી મારી

January 9th, 2024

માધવનગર હોમગાર્ડ ટ્રેનિંગ સેન્ટરમાં કર્મીએ ગળે ફાંસો ખાધો

January 8th, 2024

સાણંદના કુંડલ ગામેથી ઘાયલ 9 ફૂટ લાંબા અજગરનું રેસ્કયુ

January 8th, 2024

બોળ ગામે પાર્ક 2 ટ્રેક્ટરોને અજાણ્યા 2 ઇસમોએ પેટ્રોલ છાંટી સળગાવી ફરાર

January 8th, 2024

ડરણ ગામે રસ્તા બાબતે કુટુંબીજનો વચ્ચે મારામારી થતા સામ સામે ફરિયાદ નોંધાઈ

January 7th, 2024